पुणे : दी इन्स्टिट्यूट ऑफ चार्टर्ड अकाउंटंट्स ऑफ इंडियाच्या (आयसीएआय) बोर्ड ऑफ स्टडीज आणि ‘आयसीएआय’ पुणे विभागाच्या वतीने ‘सीए’च्या विद्यार्थ्यांकरिता दोन दिवसीय आतंरराष्ट्रीय परिषदेचे आयोजन करण्यात आले होते.
या वेळी देशाच्या आर्थिक विकासात महत्त्वाचे योगदान देणाऱ्या सनदी लेखापालांना मानवंदना देण्यासाठी वेस्टर्न इंडिया चार्टर्ड अकाउंटंट्स स्टुडन्ट्स असोसिएशनच्या (विकासा) वतीने मानवी साखळीतून ‘सीए’ या शब्दाची प्रतिकृती साकारण्यात आली. ‘विकासा’चे अध्यक्ष सीए अभिषेक धामणे यांच्या संकल्पनेतून ही अनोखी प्रतिकृती साकारली होती.
